الجمعة، 6 يناير 2012

عن ما بين السطور حواديت ..


أيوة ده كان اسم المدونة بس غيرته ( أهو من باب كسر الملل يمكن ، من باب حب الذات – على أساس إني سميتها باسمي – جايز ) و في العادة و الله ما بتفرق معانا الأسماء .. المهم بقى إن الاسم و لله الحمد حي يرزق و بقى عنوان أول كتاب للفقيرة إلى الله ( إللي هي أنا ) .. :)


الكتاب عن دار ليلى للنشر و التوزيع ضمن مشروع ( النشر لمن يستحق ) المرحلة الثانية .. و إن شاء الله هيكون في معرض الكتاب 2012 ( قول إنت بس يارب ) .. و هو باين من اسمه إنه قصص قصيرة بمعنى ( مش هياخد منك وقت في القراية خاااالص ) .. نسماية كدة واخدها معاك في الشنطة .. :D


أما بالنسبة للقصص إللي في الكتاب ففيه منها هنا في المدونة 3 بس ألا و هم بالصلاة ع النبي كدة :


طموح لم يقتل 
رسالة
غريزة


و إن شاء الله لو وقعت في إيدي أي تفاصيل جديدة عن الواد إللي عايزة أفرح بيه بقى ( إللي هو كتابي يعني ) هقول على طول حيث إن الاعتراف سيد الأدلة .. :))


صفحة الكتاب ع الفيس بوك ( و إشمعنى أنا يعني إللي مايبقاليش صفحة ) هتلاقيها هنـــا .. أي Like ع الماشي كدة .. :D

هناك 9 تعليقات:

  1. امم
    سبحان الله دى اول مرة هنا بس حلو ادخل الاقيكى محققه انجاز زى دة

    مبرررررررررروك نهى بيجد

    انا عرفتك من خلال الفيس فضيفتك هناك برضوا

    :):)

    ردحذف
  2. مبروك ...الكتاب الجديد ...

    ردحذف
  3. rona ali
    و إن شاء الله مش هتبقى آخر مرة تبقي هنا .. يارب بس تستمتعي و تلاقي أي حاجة تعجبك هنا في المدونة( البيت بيتك ) .. و الله يبارك فيكي .. :))

    أحلام يقظة
    الله يبارك فيكي .. :)

    ردحذف
  4. انا أول مرة أدخل مدونتك, وأنبسطت أنى داخله على حاجة جميلة وهو كتابك الجديد, مبروك, ويارب دايما من نجاح لنجاح يارب آمين

    ردحذف
  5. نيللي
    قلبي حاسس إنها إن شاء الله مش هتبقى آخر مرة .. الله يبارك فيكي .. :))

    ردحذف
  6. مبارك صدور كتابك يا جميلة ,
    ومن إبداع لآخر ..
    سلمتِ ()

    ردحذف
  7. ممتاز .. جميل جدًا
    سؤال بعد إذنك ..
    مفيش منه نسخة إلكترونية ؟
    بحثت وما من جدوى ..

    وللأسف أنا مش في مصر عشان اقدر اقتني الكتاب ..

    أما من وسيلة للإطلاع عليه عن كثب ؟؟

    ردحذف
    الردود
    1. و لإني لسّه واخدة بالي م التعليق يا سمية .. فـ للأسف مافيش نسخة ألكترونية من الكتاب .. الكتاب ورقي و بس .. ^^

      حذف

ملحوظة: يمكن لأعضاء المدونة فقط إرسال تعليق.