السبت، 7 أبريل 2012

حفل التوقيع الثاني لـ " ما بين السطور حواديت " في مكتبة ( أ ) ..


كلاكيت تاني مرة و أهو زيادة توكيد برضه .. إن شاء الله حفل توقيع كتابي ( ما بين السطور حواديت ) هيبقى يوم الخميس الجاي ده ( 12 إبريل ) في مكتبة ( أ ) إللي ف مصر الجديدة و العنوان بالظبط : " مكتبة ( أ ) بشارع الميرغني عمارة رقم 132 بجوار التوحيد و النور " تمام كدة :D ، و طبعاً مش هكون لوحدي هيكون معايا حورية محمد صاحبة كتاب ( فطائر ساخنة بالسكر ) و هدير عرفة صاحبة كتاب ( حكايات النورس ) .. و الإيفينت هتلاقوه هنـــــا .. 


و عشان أبقى عملت إللي عليا فدي طرق لكيفية الوصول و كدة يعني :


_ من رمسيس : تركبوا مترو الميرغني و تنزلوا محطة السبع عمارات ، هتاخدوا تاكسي مسافة بسيطة جداً هتلاقوا مكتبة ألف قبل التقاطع مع شارع الثورة و قبل سنترال ألماظة ..


_ من سراي القبة : محطة سراي القبة ، مترو الأنفاق هتلاقوا محطة ميني باص قدام السنترال ، ميني باص رقم 10 بيروح أول مكرم عبيد و بيوصل لحد سنترال ألماظة أو عند كوبري الميرغني مع تقاطع شارع الثورة ، و برضه يا إما تاخدوا تاكسي المسافة البسيطة دي يا إما تاخدوها مشي و أهو منه يبقى رياضة برضه ، و على فكرة أي حاجة رايحة السبع عمارات بتعدي على شارع الميرغني إللي فيه المكتبة .. و عموماً خارطة الطريق هتلاقوها هنـــــا .. 


شكراً على حسن تحملكم و أشوفكوا هناك إن شاء الله بقى .. ^^

هناك تعليقان (2):

  1. الف مبروك لحضرتك و لهدير و حورية
    ربنا يوفقكم ان شاء الله
    و يا رب تكون حفلة جميلة تليق باسمائكم الجميلة

    ردحذف
    الردود
    1. الله يبارك فيك يا مصطفى .. دعواتك بقى .. ^^

      حذف

ملحوظة: يمكن لأعضاء المدونة فقط إرسال تعليق.