" ما بين السطور حواديت " في برنامج يسعِد صباحك ..

منوّرين بالصلاة ع النبي .. ده اللقاء و برضه يا ريت نتذكّر الجُملة الشهيرة اللي بتقول : " أنا متوتّر إذن أنا طبيعي " .. So ، يا ريت نتفرّج كلّنا من سُكات آجماعة .. :D

رؤية نقدية لـ " ما بين السطور حواديت " ..

سالخير عليكوا .. للي عايز يتعرف ع الكوتاب أكتر يعني .. دي رؤية نقدية سريعة ع الماشي هتلاقوا واحدة هنـــــا و أخرى هتلاقوها على مدونة بيبان لـ ضياء عزّت ، و واحدة كمان من الكاتب أحمد سعيد بعد ندوة ساقية الصاوي لبعض قصص " ما بين السطور حواديت " .. :D

" ما بين السطور حواديت " في ساقية الصاوي ..

إن شاء الله هكون موجودة أنا و كتابي " ما بين السطور حواديت " و معايا التوينز بتاعي * أختي يعني :D * حورية محمد و كتابها " فطائر ساخنة بالسكر " في أمسية الإبداع القصصي إللي منظماها " ساقية الصاوي " يوم السبت الموافق 9 يونيو الساعة 6 مساءاً بقاعة " الكلمة " .. و الإيفينت هنـــــا أهو .. مش هوصيكوا بقى إخطفوا رجليكوا * و أي حد تاني معاكوا * و تعالوا زورونا .. :))

" ما بين السطور حواديت " على إذاعة الشباب والرياضة ..

كل إللي أقدر أقوله .. صباح الخير .. :))

حفل التوقيع الثاني لـ " ما بين السطور حواديت " في مكتبة ( أ ) ..

كلاكيت تاني مرة و أهو زيادة توكيد برضه .. إن شاء الله حفل توقيع كتابي ( ما بين السطور حواديت ) هيبقى يوم الخميس الجاي ده ( 12 إبريل ) في مكتبة ( أ ) إللي ف مصر الجديدة و العنوان بالظبط : " مكتبة ( أ ) بشارع الميرغني عمارة رقم 132 بجوار التوحيد و النور " تمام كدة :D ، و طبعاً مش هكون لوحدي هيكون معايا حورية محمد صاحبة كتاب ( فطائر ساخنة بالسكر ) و هدير عرفة صاحبة كتاب ( حكايات النورس ) .. و الإيفينت هتلاقوه هنـــــا .. 

" ما بين السطور حواديت " في برنامج شباب على الهوا .. و بالمرة أماكن توزيع الكتاب ^^ ..

ملحوظة : " قبل ما أبتدي ف أي حاجة .. إن شاء الله حفل توقيع كتاب الفقيرة إلى الله ( ما بين السطور حواديت ) و كتاب صديقتي حورية محمد ( فطائر ساخنة بالسكر ) و كتاب الزميلة هدير عرفة ( حكايات النورس ) * آه هو حفل توقيع ثلاثي ^^ * يوم الخميس الموافق ( 12 إبريل 2012 ) في مكتبة ( أ ) فرع الميرغني الساعة 7 مساءاً .. حاولوا تيجوا بقى .. الإيفينت هتلاقوه هنـــــا ، و خريطة الطريق بتاعة المكتبة هتلاقوها هنـــــا " .. 


سالخير بقى :D .. من غير رغي كتير ده اللقاء ( ياريت نتفرج كدة من غير تريقة عشان ربنا يكرمنا جميعاً .. و تذكروا دائماً المقولة الشهيرة : " أنا متوتر إذن أنا طبيعي " ) ..

حفل توقيع " ما بين السطور حواديت " .. :)

إن شاء الله حفل توقيع ( ما بين السطور حواديت ) هيكون يوم الأربعاء 1 فبراير 2012 الساعة 11 الصبح في جناح دار ليلى بمعرض الكتاب و الإيفينت هنـــا ، إللي يقدر ييجي إن شاء الله ما يبخلش و مايكسلش (( عشان خاطر أختكوا الغلبانة )) .. :D


و ده بقى المفروض إنه برومو الكتاب " المفروض " عليكم .. اعتبروها على رأي الشاعر الكبير .. تجربة و عدت و اتعدت من ضمن تجاربي .. ^^"

عن ما بين السطور حواديت ..

أيوة ده كان اسم المدونة بس غيرته ( أهو من باب كسر الملل يمكن ، من باب حب الذات – على أساس إني سميتها باسمي – جايز ) و في العادة و الله ما بتفرق معانا الأسماء .. المهم بقى إن الاسم و لله الحمد حي يرزق و بقى عنوان أول كتاب للفقيرة إلى الله ( إللي هي أنا ) .. :)

غريزة ..

أجل كان يريد الزواج بأخرى ، لكن .. المشهد كان غريباً ! .. راح يتابعه كتمثال جامد ليس فيه سوى عيون تدمع بالصدمة ! .. كان الأب يقف حائراً بين زوجاته و ولده الجالس أمام جثمان أمه ! .. عقل الصغير لا يدرك بعد سر ذلك السكون فراح يحث أمه على النهوض بلمساته تارة و قبلاته تارة أخرى ! .. كانت عيونهن صلبة لا تلمع إلا عندما ينظرن للأفق الذي يحثهن على مواصلة تلك الرحلة .. أما هو فالحيرة كانت تسيطر على خطواته و لا يعلم إن كان سيبقى بجانب الصغير أم سيخضع لغريزة الترحال ! ..

رسالة ...

سيدي الـ .....

" عذراً .. فأنا في حالة نادرة الآن أنستني الألقاب جميعها ، و عموماً الألقاب في هذه اللحظة لا تهم " .

سيدي .. حالتي نادرة و مختلفة مثل رسالتي .. فأنا أرسلها لك من دون أن أحرك قلمي فوق السطور أو أن أطلق العنان للساني .. فأنا أعلم جيداً أنك لا تسمع لإنك لا ترغب في ذلك .. ستدير لي ظهرك لإنك لا تود أن ترى – ربما لشعورك بالصدمة – .. و بعد كل ذلك لا أعتقد أنك ستصبح قادراً على الكلام حتى و إن تحركت شفاهك ..

طموح لم يقتل !

رغم أنه لم يعد على هذه الأرض إلا أنه يجد مكانه بينهم بالرغم من تزاحمهم الشديد .. ينظر إليهم كأنه يراهم للمرة الأولى .. إنهم مختلفون ! .. أين ذهبت قسماتهم الصابرة ؟! .. كلما أعاد النظر فيهم يرى شيئاً مختلفاً .. كأنهم ينظرون للاشيء .. تتطلع أعينهم لشيء غير مادي أو أنه غير متجسد أمامهم ! .. يردد معهم هتافاتهم التي تهتز لها الأرض و الأجساد .. هو أيضاً يشعر بتلك الانتفاضة رغم أنه ودع جسده منذ أيام .. ينصت لأصواتهم غير المسموعة .. لأحاديثهم الداخلية .. يتسائلون ماذا بعد الخوف ؟ ، فيجمعون على إجابة واحدة .. إنه الموت ! .. و لكن حتى هذا الموت لن يأتي بسلام .. و لإنه سيكون كذلك فما جدوى الصمت أو الخوف إذن ؟